ჩვენი კომპანია გთავაზობთ სერვისს პრეციზიული კონდიცირების სისტემების სასიცოცხლო ციკლის ყველა ეტაპისთვის, დაწყებული კონსულტაციებიდან ტექნიკური გადაწყვეტის არჩევისას და რეგულარული პროფილაქტიკამდე, აპგრეიდამდე, რემონტამდე ან შეცვლამდე.

ENCOS, როგორც Schneider Electric-ის ავტორიზებული სერვისის პარტნიორი IT Critical Power & Cooling სეგმენტში, უზრუნველყოფს ამ აღჭურვილობის ექსპლუატაციაში გაშვებას მწარმოებლის საგარანტიო ვალდებულებების სრულად დაცვით. საჭიროების შემთხვევაში, ჩვენი სპეციალისტები ახორციელებენ საგარანტიო შეკეთებას ორიგინალური სათადარიგო ნაწილების გამოყენებით.     

სხვა მწარმოებლების აღჭურვილობის ექსპლუატაციაში გაშვებისას, გარანტიის შესანარჩუნებლად, ჩვენ ყოველთვის ვიცავთ მწარმოებლის პოლიტიკას ამ ნაწილში. საჭიროების შემთხვევაში, სამონტაჟო სამუშაოებისა და ექსპლუატაციაში გაშვებისას ზედამხედველობისთვის ხორციელდება მწარმოებლის მიერ უფლებამოსილი ორგანიზაციების მოწვევა.
სითბოს გადამცემი ზედაპირების სისუფთავეს უპირველესი მნიშვნელობა აქვს გაგრილების სისტემების მუშაობისთვის. კონდენსატორებისა და ჩილერების გარე რადიატორები საჭიროებს რეგულარულ რეცხვას მაღალი წნევის აპარატების და სპეციალური სარეცხი საშუალებების გამოყენებით. პრეციზიული კონდიციონერების შიდა რადიატორების სისუფთავის შენარჩუნება ხდება ჰაერის ფილტრების დროული შეცვლით. ჩვენი სპეციალისტები აყენებენ მხოლოდ შემოწმებული ხარისხის ფილტრებს. საჭიროების შემთხვევაში, შესაძლებელია შიდა რადიატორების გამორეცხვა სასერვერო აღჭურვილობაზე სითხის მოხვედრის გარეშე.

ფრეონის სამაცივრო კონტურების რეგულარული მომსახურება საშუალებას იძლევა თავიდან ავიცილოთ პრობლემები კონტურის დატენიანების ან არასაკმარისი დატენვის გამო, რაც იწვევს კომპრესორების მწყობრიდან ნაადრევ გამოსვლას.

თუ ფრეონის ტრასის სიგრძე შეადგენს რამდენიმე მეტრზე მეტს, მაშინ სისტემის სტაბილური მუშაობისთვის მნიშვნელოვანია მილების კვეთის მუდმივობა და მოხვევების შესრულების სრულყოფა. როდესაც სისტემა მიიღება მომსახურებაზე, ENCOS-ის სპეციალისტები გამოავლენენ და გამოასწორებენ ყველა მსგავს ხარვეზსს.
ჩვენი სპეციალისტების ხელთ არსებული პორტატული დიაგნოსტიკური სტენდი საშუალებას იძლევა შესრულდეს კომპლექსური შემოწმება და აღჭურვილობის ფუნქციონირების გამართვა ყველა რეჟიმში.

დამკვეთს ასევე ვთავაზობთ აღჭურვილობის მუშაობის უწყვეტი დისტანციური მონიტორინგის მომსახურებას ანომალიების პრევენციული გამოვლენისა და მწყობრიდან გამოსვლის თავიდან ასაცილებლად.